W.O.W. Nach knapp meh als oanere Wuche hemmer scho de Mindestbetrag erreicht. Danke eu viel mal, es macht richtig Freud, as mir uf so e grossi Unterstützig vo eu döred zelle! Aber nur will mer etz de Mindestbetrag erreicht hend, heisst das no lang nöd as mer scho am Ziel sind. De Mindestbetrag ermöglicht üs nur, as mer mit Sicherheit de Ahänger könnd beschaffe. As mer de Ahänger aber au topmodern könnd usrüschte heisst flissig wiiter Werbig mache und Geld sammle. Mir danked eu für eui Hilf bim teile vo üsem Projekt und natürli au für jede Spend!

Ah hopp! Auf geht's, mir started id Finanzierigsphase! Mir danked eu allne für euri Unterstützig und hoffed, as mer üsers Ziel zeme mit eu chönd erreiche.

Ah hopp! Will mer ja hauptsächlich Musig mached, hemmer hüt wieder mal en neue Song useghaue: "Sad Songs" Drum etz uf allne gängige Plattforme go driilose!

Ah Hopp Los geht's! Mir sind offiziell ide Startphase vo üsem Crowdfunding Projekt. Um wa goht's enart? Ide Startphase sammled mer Fans und Follower wo üs helfid, ide Finanzierigsphase möglichscht vill Lüt z erreiche, dass mer üsi Batzeli denn o würkli zemebringed? Wie kasch du üs helfe? Werd Fan vo üsem Projekt und empfehls dine Fründe, Bekannte, Verwandte, Huustier und sus no öppe allne wod gad kennsch. Je meh Fans mer hend könne sammle, desto eifacher werds für üs, üsers Ziel ir Finazierigsphase z erreiche. Mer bhaltid eu ufem Lofende!

Ah hopp Mer hend ar RHEMA wieder mal richtig d Hütte abgrupft. As mer das au a andere Ort könd mache bruched mer jetzt dini Hilf! Danke vill Mal!

Ah hopp Mer sind nöd nu flissig am Vorbereite zum üsen Super-Mega-Lutz!-Ahänger-5000 könne beschaffe, mir mached natürli au no flissig Musig. Drum gits hüt gad mal was ufd Ohre! Will hüt haued mer üsen neuschte Release use: "Bonnie und Clyde" Nöd nur e wahnsinnig wylde Song, sondern au no e no vill wylders Musigvideo wartid uf eu, d Links finded er natürli genau da bi üs. Mer bhaltid eu ufem Laufende.

Ah hopp Wa tünd etz die Kerlis vo Lutz! da wieder? Ganz oafach: Mir bruched eui Hilf! Im 26i laufts gad nu no. All wieder en glatte Uftritt im Rhintl oder je nach dem sogär no es Stuck wiiter weg, zum Bispiel am Woodstock der Blasmusik im Öberöstrich. Nur no närsch. Will mer aber efeng dereweg guat usgrüstet sind, müend mer all üsers Glump irgendwie könne vo A nach B transportiere. Wie wemmer es mache? Joa, eigentli simpel. Mir kaufid en Hänger. So oan isch aber bitzli tüür. Drum simmer etz da und hoffed, as ehr üs da stark under d Arme griifid. Mer sind no voll ide Vorbereitige für üsers Crowdfunding. Aber es kömid scho bald meh Infos: Mer bhaltid eu ufem Laufende!