D'Goldau Schränzer sind im Jahr 1967 vo paar Fasnachtbegeisterte gründet worde. Aktuell dörfed mier rund 25 Aktivmitglieder zu üsere "Schränzerfamilie" zelle.
Üsi Probe started im Herbst wo miär flissig üebed und uswendig lerned. Dezuä ghört au es alljährlichs Probeweekend. Üses Ziil isch mit Freud und Spass allne Fasnächtler d'Fasnacht mit üsne schöne und schräge Melodie chli z'versüesse.

Au usserhalb vo de Fasnachtszit verbringed mier vieli gmeinsami Stunde zäme. Sigs en Usflug uf d Rigi, bim Schränzerpicknick oder ah de Goldauer Chilbi - mit de Schränzer hend mier immer Fäscht! Keis Wunder hend sich ih dere langjährige Vereinsgschicht so viel Fründschafte bildet.

! Einisch Schränzer – immer Schränzer !