Über unser Projekt
Nos t-shirts dil chor han gia viu megliers temps e cun nies niev logo eis ei aschia ni aschia temps da remplazzar els cun novs.
Worum geht es in diesem Projekt?
Suenter rodund quater onns da cant els quals ils t-shirts han midau entginas gadas possessur, ein stai bia gadas ella maschina da lavar, ein ei empau isai ed ord muster. Vitier vegn ch'il chor ei carschius e ch'ei ha buca avunda t-shirts e che nus havein in logo per nies chor. Motiv avunda da procurar per novs t-shirts per mantener ina fatscha unificada ed unica dil chor. Perquei lein nus schar far novs t-shirts.
Was sind die Ziele und wer die Zielgruppe?
La finamira ei ch'il chor sepresenta als concerts cun in agen t-shirt che dat era l'identitad visuala al chor.
Warum sollte man dieses Projekt unterstützen?
Nus lein buca stuer dar quen allas famiglias per ils t-shirts ed aschia schanegiar lur cassa. Denton era perquei ch'els vegnan dai vinavon a novas/autras cantaduras e cantadurs sch'els ein daventai memia pigns, respectiv sch'in ni 'autra banduna il chor.
Was passiert mit dem Geld bei erfolgreicher Finanzierung?
Cun ils daners savein nus cumprar e schar far il squetsch sin ils t-shirts per las cantaduras ed ils cantadurs incl. entginas reservas. Pertgei ils affons creschan ed adina va ei buca si da brattar ils t-shisrts avon maun e tut tenor crescha era il diember da cantaduras e cantadurs vinavon in'auter onn.
Finanzierungsziel Ils daners dalla secunda finamira vegnan mess d'ina vart per cumprar e schar far ils proxims onns t-shisrts per novas cantaduras e cantadurs, ni per remplazzar tals ch'ein buca pli bials.
Wer steht hinter dem Projekt?
Il Chor d'affons Sumvitg dat ei dapi 1998. Duront quels 20 onns ei semussau ch'ils affons han plascher da cantar e fan bugen part al chor. Davos il chor stat denton era il publicum che vegn stediamein als concerts. Uonn dumbra il chor tontas cantaduras e cantadurs sco aunc mai. 73 affons fan part dil Chor d'affons Sumvitg. Els vegnan cunzun ord las vischnauncas da Sumvitg e Trun, denton dat ei era cantaduras e cantadurs che vegnan ord prest tut las vischnauncas da Tujetsch tochen Laax.
