FOOTREBEL Girls Booster Days Camp

Un projet de la région de la Raiffeisenbank Zürcher Oberland

CHF 9'301  
Projet terminé
Projet réussi
99 parrains
CHF 400 Soutien de Raiffeisen
Daniel Pellegrini
20.04.22, 22:49 de Daniel Pellegrini
Jetzt isch euses Trainingslager au z‘end und mir sind wieder in Züri. Mir hend es mega cooles Trainingslager gha und e mega schöni zit als Manschaft gha. I dem Trainingslager hämmer Intensiv am morge und Namitag trainiert. Mir hend nöd nur eusi Fuessballerischekünst verbessert sondern au euse Teamgeist chöne Stärche, da mir i letste zit neui Spielerinne becho händ. Abgse vom intensive training hämmer au gnueg zit gha zum as Meer oder an Pool ga Sünnele ☀️ Bi eus i de Stadt hets au grad en Bazar gha wo mer hend derfe ga Shoppe. Am Samschtig hämmer no gäge äs U19 buebeteam en match gha. das isch ziemli hert gsi, aber mir händ super kämpft und zum schluss 7:2 verlore. Usserdem hend eus eusi Trainer no e überraschig gmacht, mir sind denn mit Taxis uf Side gfahre und hend det au no d‘stadt chöne besichtige und sind denn alli zäme i es schöns Restaurant ga esse und das hät eus mega gfreut. Mir werdet eus jetzt alli nach eusem Lager erhole und werded denn alli ah eusem match am 1. Mai voll dabi sie und de Sieg hole. Danke a alli, wo eus das möglich gmacht händ!!! Liebi Grüess Simea und s'ganze FOOTREBEL U18 Girls team
Daniel Pellegrini
21.03.22, 22:26 de Daniel Pellegrini
Scho fast 8’000 tusig spende danke viel mal!! bald hemmer euses Ziel erreicht. Am wuchenend hämmer sogar 2 Mätch gha. Am fritig hämmer euses erste spiel gha gege de FC Furrtal Frauen 1. Mir hend gege e 2. Liga Manschaft gspielt was sehr usefordernd isch. S‘team isch sehr anspruchsvoll gsi und mir hend au viel neues chöne da zue lerne. Mir hend a dem Match au e neui ufstellig us probiert wo für die meiste neu gsie isch. Mier hend natürlich vo ahfang ah alles gäh aber es het leider für de Sieg glanget und nachdem mir 60 Minute händ chönne dägegehebe und sie nur 2:1 knapp gfüehrt händ, simmer dänn die letschti halb stund no iibroche, und 5:1 verlore. De sunntig hemmer gege de FC Bern FF19 gspielt, wo sit 12 Spiel ungschlage gsi isch. Mier sind die besser manschaft gsie und hend au 3:1 gunne. Beidi manschafte sind vo alter sehr usgliche gsie, trotzdem hemmer besser und au schöner zämä gspielt als de FC Bern FF19. Layla und Simea
Daniel Pellegrini
13.03.22, 20:48 de Daniel Pellegrini
Hoi zäme Hüt hämmer en Match gege de FC Wetzikon 3. Liga Fraue gha. I de 1. Halbziit sind mir ihne unterlege gsi. I de Pause hemmer eus denn alli nomal gegesitig motiviert und hend denn nomal alles gäh. I de 2. Halbziit sind mer denn klar die besseri Manschaft gsi. Und das sogar mit 5x 2007er Spielerinne im Ihsatz. Trotz eusem guete Ihsatz und Zämespiel, hämmer 2:1 verlore. Mir freued eus sehr uf euse nächsti Match und gebed alles um no meh Goals z’schüsse. Mir bedanked eus für jedi Spende und hoffed es chömmed no meh zäme damit mir euses Ziel au erreiche chönd. Simea und Layla
Daniel Pellegrini
22.03.21, 23:06 de Daniel Pellegrini
Wow mir hends endlich gschafft! Eusi Spendeaktion isch sit Mitternacht fertig und mier hend sogar meh Spende gsammlet als letzt Jahr. Danke viel mal ah alli wo öppis gspändet händ!! Am Sunntig startet eusi Meischterschafft gege de FC Uster. Mier sind alli ufgregt und werdet alles geh das mer de Sieg holled. Simea und Layla
Daniel Pellegrini
22.03.21, 20:17 de Daniel Pellegrini
hoi zäme wow! scho über 5’000 spende von 53 unterstützer! danke ah alli wo bis jetzt gschpendet hend viellicht schaffe mer ja no über 8’000 :). hüt bim spiel gege fc chur hemmer klari vorteil gha aber leider 2:1 verlore. Mir hend alli fair als au guet als team zämä gspielt. hüt sind au 5 spielerinne mit em jahrgang 2007 igsetzt worde gege en gägner wo im schnitt öpä 3 jahr älter gsi isch als mir. mir hoffed es chömed no meh spende ihne damit sich die meiste spielerinne de camp biitrag schliesslich au leiste chönd. ganz liebi grüss vom ganze team eue bloggerinne layla und simea
Daniel Pellegrini
22.03.21, 18:59 de Daniel Pellegrini
Jetzt gahts nüme lang! Chli öpis meh als zwei Wuche.. Mer freued eus scho alli mega zum intersiv i de türkei trainiere. Im moment isch es über 20 Grad mer hoffed es blibt so oder wird sogar no besser. Danke nomal für alli Spende wo dezue cho sind! Mer hend euses Ziel erreicht und mer hoffed das alli sich de Camp Bittrag schlussendlich leiste chönd. Layla und Simea