Liebi UngerstützerInne u Ungerstützer, liebi Fans vom Projekt "Läbesfröid im Quadrat" Härzleche Dank für Öie Iisatz. Zwar het's nid ganz glängt, di finanzielle Mittu zämezbringe. Drfür hei sech erfreulech vieli Lüt bereit erklärt, aus freiwilligi HäuferInne u Häufer ds Projekt z'ungerstütze. Us däm Grund bini dr Meinig, dass mir zmingscht einisch ä settige Aalass für Lüt im beschte Auter sötte dürefüehre u luege, wiener aachunnt. Sobau ds konkrete Datum und dr Ort bekannt sy, wirdi mi mit dä Interessierte i Verbindig setze. I fröie mi, häbet ä friedleche Sunntig Abe, liebe Gruess, Esther

I danke Dir härzlech für Dini Ungerstützig bim Projekt LÄBESFRÖID IM QUADRAT ZÄME SCHAFFE MIR ÜS ÄS 2. WOHNZIMMER, WO GENG ÖPPIS LOS ISCH - DINI IDEE FÜR CHURZVORTRÄG, COACHING-, MUSIG- ODER SCHÜSCHTIGI AAGEBOT SY GFRAGT I GROSSER VORFRÖID, ESTHER