mir händ eifach nur freuid a dä nüä Sachä. dankä üch viel mal liäbs grüässli Sabrina und s ganzä Skilift Sattelegg Team

sooo lang isch äs ruhig gsii. I derä Ziit händ mir dä Skilift parat gmacht, d Mercis verteilt und Dankäs-Chärtli verschickt. Mär händ scho chönä i d Wintersaison startä, äs hät gad so für eis Weekend glangät. Mir händ aber uu dä Plausch gha a denä zwei Täg und händ die erschtä Pistä-Elemänt für d Kids au gad mit ufgstellt. Leider langät dä Schnee scho nömmä. D`Stirnband sind uf dä Sattelegg parat zum abholä, d Halsschlüch sind verschickt und d Bügel bechläbt (sind leider nöd alli ufem folgendä Foti, us Platzgründ) Falls irgendöbbert vergässä gangä isch oder nöd übercho hät was er dänkt hät, mäldet üch doch bitte bi üs. Mär händ leider gmerkt dases paar Missverständniss gäh hät bim achrützlä. Mir händ üs zwar Müäh gäh niämert z vergässä, aber leider isch das schnäll passiert. ganz liäbi Grüässli und ä guätä Rutsch is 2023 wünscht üch Sabrina und Skilift Sattelegg Team

soo alli Bügel sind dobä, diä Arbät händ mir natürlich gad mitem passändä Stirnband gmacht. D Firgurä und Elemänt für uf d Pistä sind bstellt, sobalds gliferät wärdet und gnuäg Schnee uf dä Pistä liit, wirdät au diä montiert. Liäbi grüässli Sabrina s`Skillift Sattelegg Team

Dankä vielmal üch allnä für d Unterstützig, mär händs dank üch gschafft. Dank ücherä Hilf händ mär nöd nur d Reparatur vom Getriebe chönä finanzierä, sondern chönd au nu cooli Elemänt bstellä womär uf d Pistä dörfät stellä damit üsi chliinä Gäst nüi Herusäforderigä händ uf dä Pistä. ganz liäbi grüässli Sabrina und s Sattelegg Skilift Team

Juhu mir händ äntlich s repariertä Getriebe chönä montierä. Dankä üch allnä für üchi mithilf siegs für s teilä, wiitersägä und für diä Finanziellä unterstüzigä.

Ihr sind mega! Dankä viel viel mal für üchi Unterstützig. D Finanzierungsschwellä isch erreicht!!!! Wänn mär jetzt nu meh annä bringät, gits für üsi chliinä Skifahrer mega lässigi Drähfigurä wo sie zum Kürvli machä animiärt und Schanzäelement wo einfach immer freuid machät.

Wow, mir sind überwältigt Scho über 70%. Dankä viel viel mal üch allnä wo üs scho unterstützt händ. Jetz düämers nu mal wiitersägä und teilä. Das chamär ganz eifach machä. Uf dä Hompage vo Lokalhelden.ch bi üsem Projekt eifach uf "weitersagen" druckä und a Verwantä und Bekanntä schickä

Äs isch sowiit, mir händ dörfä id Phasä wächslä womär chönd aafangä Gäld sammlä. Jetzt müämer soviel Lüüt wiä möglich uf s Projekt ufmerksam machä, das sie chönd Spändä und dä Skilift Sattelegg unterstützä. Dankä üch allnä, wo scho flissig teilt händ und ghulfä händ, Fans z gfindä. Ihr sind di beschtä